前幾日朋友買來幾隻超巨型芒果R2E2, 唔明點解個品種叫R2E2, 好似的乜流感H5N1噤, 平時都較喜歡買Kensington芒，因為肉質滑而香，但呢兩星期market都無得賣, 可能己過簉。 而R2E2的肉就好實，試過買回來見佢硬實實就以為未熟，多放幾日就變水和根，所以無再買啦, 朋友買來的一樣好實，但好香，ding上流出糖膠，切開是又甜又香但肉實如生木瓜一樣，切細細粒用嚟撈涼粉, 嘩, 正呀! 切薄片也完整唔爛，只用一個﹐竟然切出一大碟肉﹐想起用嚟做cake就最啱囉.
下午馬上動手，做了一條swiss roll, 另一千層糕, 其實只不過係用swiss roll塊蛋糕均混切開四片疊起，每片揸cream和鋪上芒果，冷後用薄刀切件，下次試下用兩片唔同顏色, 綠茶或朱古力或香橙間清蛋糕嚟整, 或者更好食。
五Ｂ今日又有口福，Ｄ頭頭尾尾蛋糕邊比佢地消滅晒。
剛啱爹爹話： 自從你兩母女喺香港番嚟，日食夜食，過埋個聖誕屋企多咗兩個肥婆。
我話: 無計啦，番香港食大個胃丫嗎, 成日睇Ｄ卜友post埋噤多美食，又睇TVB生活台Ｄ飲食節目, 唉, 幾難頂呀!
因為相機無乜電﹐呢張相放係太陽下花園棵樹上影:
似唔似大楷“E”和小楷“e” ﹖
，