超巨型（10•2•2010）

超巨型

Feb 10, 2010 5:34 PMPublicPageviews 635

今早在後園摘來做午餐的無花果﹐其中一個﹐幾乎有蘋果噤大﹐難得一見﹗仲甜到漏﹐食兩個都飽飽啦﹗

因為多年來都有坐骨﹐腰背痛和鍵盤手種種關節和筋骨問題﹐最近我自創的床褥攝腰法﹐坐骨和腰背痛幾乎絕跡﹐但鍵盤手呢﹐唉﹗咪係成日對住部電腦囉﹐扭毛巾都無力，最近仲多左味網球手呀﹐就係手瓜外則﹐每逢用力提起重物時都赤赤痛囉﹐都係買餸一袋二袋累事和家務勞損啦﹐去年冬天食過補筋骨o既Glucosamine﹐佢係甲殼類海產提煉出黎o既葡萄胺糖﹐有助關節軟組織修復﹐防止關節磨損發炎和增加筋骨柔韌性﹐無副作用﹐食過唔錯喎﹐食左手腕真係無痛﹐但無食半年﹐又番發﹐以前我買1000mg個隻﹐每日食1 - 2 粒﹐今次見減價﹐買左隻1500mg﹐諗住一日一粒就夠，嘩﹗撞鬼佢呀﹗大粒到無倫架﹐從未見過葯丸大成噤，個喉嚨叮細D都啃死﹐不過又好work喎﹐食左幾日﹐打噤長對手都唔覺攰.

作晚煮狗狗mung mung﹐ 有雞肉﹐羊肝﹐三文魚﹐紅蘿蔔﹐青豆﹐粟米﹐青瓜﹐紅椒﹐佢地好鐘意食D羊肝呀﹐都唔覺佢好酥味喎。聽講羊唔食飼料﹐只食草和新鮮蔬菜﹐更唔會打快大針﹐戾固醇之類o既野﹐所以佢個肝係比豬肝雞肝衛生好多﹐而牛肝都唔錯﹐但比較韌和粗﹐羊肝質感比較稔﹐易消化﹐價錢比牛潤貴好多﹐佢含豐富鐵質﹐蛋白質﹐維他命B12﹐B6﹐A﹐間中比狗狗補下都唔錯。