清蒸東星斑、南乳炒素菜、雪耳湯、鎮江醋茄汁炆豬軟骨撈烏冬(15-8-2011)

呢兩個週六﹐5B媽就happy啦﹐因為有得攻打四方城﹐

大戰20個回合﹗幾爽呀﹗

星期日就休息下啦﹐整D清淡D野食﹐因為開檯都係

叫pizza 食﹐食到我滯滯地。

清蒸東星班﹐呢條魚顏色好黑﹐係澳洲北部魚﹐因為黑﹐

出口去香港大陸就唔值錢﹐做左急凍斑﹐留番自食﹕

南乳炒素菜- 椰菜﹐豆腐﹐金針﹐雲耳

雪耳﹐雪梨﹐蓮子﹐百合﹐無花果﹐豬展﹐榣柱﹐

冬菇湯

學軒軒用鎮江醋﹐茄汁炆豬軟骨﹐用黎撈烏冬﹐

酸酸甜甜好味道﹐有D似薑醋﹐尤其食調味個舊薑﹐

下次考慮落埋雞蛋﹐就似多D添啦﹗我一路炆一路

撇油﹐撇左成半碗油呀﹗

呢碗係打包比香蕉人帶lunch架﹐佢箍牙﹐食唔到

豬軟骨﹐放左舊豬展﹐啖啖肉﹗

   

鷄批、胡椒香蔥牛肉餅、黑椒洋蔥煎羊架（11-8-2011)

!

Aug 11, 2011 1:52 PMPublicPageviews 71823

 

做過雞批﹐餡內醬汁漲到漏晒出黎﹐真可惜﹐今次落足心機﹐刻意將底部批皮加高至比蛋撻模高出一上次截﹐ 將凸出底皮用指尖和面皮好好的接實﹐醬汁完全無漏出﹐今次做o既餡料係咖哩薯仔洋蔥牛肉粒﹐香蕉人話餡料好正﹐但皮嫌太硬﹐鐘意貴佬酥皮﹐其實係自己無牙食﹗而5B爸卻鍾情呢個放幾日都還脆又油o既皮減。

原本食譜300g粉要200g牛油﹐真係嚇C呀﹐成舊牛油噤滯呀﹐所以我自己試下:

餡料﹕牛肉或雞肉約120g切粒(鹽糖豉油醃好)﹐薯仔一個切粒(用水拾1份鐘)﹐半個洋蔥切粒﹐咖哩粉一湯﹐蠔油一湯匙﹐黑胡椒少許﹐材料炒熟打輕芡汁﹐放涼。

皮料:

300g 粉 + 4大湯匙沙糖+1茶匙鹽﹐拌勻

兩片牛油(約30g)﹐溶透﹐加入50g粟米油﹐兩種油混埋

1隻大雞蛋(留少少做掃面皮

6 - 7 湯匙鮮奶

油和蛋放入粉內拌勻﹐用手好似玩泥沙噤平均鬆開﹐唔好一舊舊﹐

再慢慢加入鮮奶﹐約加 6 -7 湯匙就可以將粉猜埋一糰﹐成糰就得﹐唔洗出力猜﹐成糰後放一陣﹐就可分割﹐

我用大蛋撻模做﹐做到10隻﹐分成10粒大做底皮﹐10粒細(約大既一半)做面皮﹐壓圓壓薄﹐底皮要放入模後還凸出少少﹐面皮就略大個蛋撻模圓周﹐放入餡就底面皮用指尖埋實口﹐要埋得密實以防醬汁爆漏﹐焗爐預熱220C﹐面皮掃蛋液﹐用刀背界花﹐利刀界係唔靚架﹐入中間下一格焗至金黃就得﹐呢個批隔夜食用微波爐﹐叮20秒﹐一樣鬆脆。

前幾日做o既胡椒香蔥牛肉餅﹐香蕉人好鐘意食。

早前買的特價羊肉﹐最後10塊羊架﹐用左黑椒洋蔥拔蘭地來猛火煎至外脆內八成熟﹐嘩﹗ 超受歡迎﹗

南瓜布甸、糯米卷、臘鷄肶、羊腩煲、蒸小蛋糕（4-8-2011)

Aug 4, 2011 6:24 PMPublicPageviews 16325

香蕉人已經開始箍牙兩日﹐新潮透明牙箍真係令箍牙醜態永無番身機會﹐唔講你係見唔到個牙箍﹐而且係隨時剝隨時帶﹐清洗亦方便﹐但每次食野都要除﹐食完要擦牙再帶番﹐又幾麻煩架﹐但愛靚唔愛命﹐呢D都係小事嗟﹗

上星期食唔到固體食物﹐整左幾隻南瓜布甸﹐用蝦米蓉﹐冬菇蓉和A貨鵝肝醬﹐A貨鵝肝醬味道真係無得頂﹐唔講必定以為我落左成擔味精﹗

上週末本想包糯米雞﹐誰知一囉糯米出黎﹐有人又話想食糯米飯﹐就改一改﹐加油鹽蒸熟糯米﹐拌入炒香臘味粒﹐蝦米﹐冬菇和魷魚粒﹐加調味和蔥粒﹐就有得食啦。

但浸得太多糯米﹐吃不完就做了幾條糯米卷。

還有一條臘雞腿﹐經過風乾超過一個月﹐味道真係大大不同﹐好喜歡個種鹹香和乾身感覺﹐真真有臘o既風味﹐一定要番單﹗

還有羊腩未吃﹐上星期日就郁郁佢﹐滾滾下

昨晚整定蒸小蛋糕做早餐﹐今次加入朱古力味﹐都唔錯﹗

藍莓蜜桃慕絲蛋糕 + 臘味飯 (12-7-2011)

藍莓蜜桃慕絲蛋糕

Jul 12, 2011 12:58 PMPublicPageviews 21121

前兩天是香蕉女生日﹐一連幾晚不是和男友吃飯﹐便是和朋友吃飯﹐沒父母的份兒﹐日間又睡至日上五杆﹐睡醒又趕忙赴約﹐做媽媽的就只能為她做個蛋糕﹐封個紅包了事。

藍莓蜜桃慕絲蛋糕

想有超過20年沒吃過臘味飯﹐剩下的三隻臘雞腿已風乾超過10日﹐前晚吃了一隻﹐比起第一隻只7日的味道有點不同﹐臘的感覺多了一點,  飯是菜飯﹐還加了臘腸﹐冬菇和蝦乾。

臘雞肶 + 蝦米腸 (10-7-2011)

臘雞肶食得啦！

Jul 10, 2011 3:46 AMPublicPageviews 31319

平常5B爸只會煮即食麵，洗米煮飯，煎蛋之類，最拿手是沖杯靚咖啡給我，其他都是坐著等食，我常投訴，要他學一學，否則老婆走了就吃西北風了！

前晚難得由他下廚，蒸了一隻上星期做的臘雞肶來試味，可能我放得太多鹽，味道鹹了一點，但肉質竟然很滑很鮮，還有點肉汁，完全不是想像中如臘鴨般乾，還有三隻仍吊著風乾，待我慢慢續一分開不同日子品嘗！

又煎了西班牙馬交魚(Spanish Mackeral)，但煎得不夠身，有點腥，浪費了這片花了$11澳元的魚

他自創的洋葱炒椰菜

今早再戰葱花腸，有人厭蝦米ung牙！走蝦米！

但我還是覺得有蝦米較好吃！

昨晚打邊爐，今晚只兩老吃，簡單點，再戰 DIY 銀針粉！用牛柳絲、蝦、黄牙白、鴨潤腸、冬菇絲、紅蘿蔔絲、洋葱來炒，5B媽制銀針粉，備料，由5B爸操鑊剷炒！

紅蘿蔔青蘿蔔洋百合瘦肉湯

飯後甜品，重薑蕃薯糖水

老雞當鴨炆 + 清肝護膽湯 + 手工麵 + 蒸蛋糕（4-7-2011)

老雞當鴨炆

Jul 4, 2011 1:27 PMPublicPageviews 21122

 

來過澳洲的人都知澳洲的快大白雞超不好吃﹐不但無雞味﹐肉像棉花雞﹐皮不爽滑還帶點臊味﹐尤其細碼的一兩個月大的9號雞﹐不吃也罷﹐就算多花錢買走地雞或吃粟米大的黃油雞也好不了幾多﹐非要買特大的14號以上的才有點咬勁﹐這麼大小家庭又吃不了﹐而鴨呢﹐更糟﹐比較好的多被餐館燒臘店包銷﹐外邊買到的骨硬肉少﹐價錢比雞貴一倍﹐所以有時想吃炆鴨﹐乾脆買隻老雞(生過蛋﹐老外叫boiler用來煲湯的雞)﹐價錢平﹐肉和皮都很韌﹐但炆腍﹐竟和炆鴨不相伯仲﹗

昨日星期日﹐有時間慢火炆﹐南乳芋頭蘿蔔炆老雞﹐一邊炆一邊撇去浮面的油﹐到濃汁夾著芋蓉﹐用來佐飯﹐真的超正﹗

洋百合(artichoke) 剛上市﹐來個清肝護膽湯

加了佛手瓜﹐又甜又潤

星期六做的壓麵機全蛋麵﹐用最厚的厚度﹐改用手切﹐煮起來真有上海粗麵的口感

用了牛柳絲﹐冬菰﹐西芹絲﹐紅蘿蔔絲﹐白蘿蔔絲﹐洋蔥來炒

煲了紅蘿蔔洋薏米水給5隻狗狗﹐清熱健脾﹐也不忘加點檸檬和蜜糖﹐大人也補健一下﹐有益味美的檸檬薏米水

蒸了一底雞蛋糕

和拜山的鬆糕有九成相似﹐5B爸話﹐以後拜山不用買了﹗

學網友金魚﹐做了四隻臘雞脾﹐今天第四天﹐已漸乾爽﹐過幾天可吃了﹗

白汁什錦海鮮闊麵條+珍珠鷄+栗子muffin(30-6-2011)

昨晚就簡簡單單﹕白汁什錦海鮮闊麵條

南瓜紅蘿蔔薯仔鯛魚湯

又學Flora 整珍珠雞做早餐

前兩日整左栗子Muffin

蝦米葱花腸 (24-6-2011)

蝦米葱花腸

Jun 24, 2011 11:45 PMPublicPageviews 86024

 

上星期見網友pixiedust 整腸粉，和我以前做過的材料有些不同，心癢癢想一試，昨晚做了兩個版本，一個跟pixiedust 的份量做，但加了蝦米和葱花，當真爽滑，口感較為實淨，很像買回來的，但可能蝦米切得太大粒，有些粉捲起來裂開，蝦米脫落了。

粘米粉(1 杯)、澄麵(1 湯匙)、木薯粉(2 湯匙)  、鹽(1/4 茶匙)、暖水(2 杯)、油(2 湯匙) 全部混和開成粉漿

蝦米蓉隨量、葱花隨量

另一個版本我不落木薯粉，改用以前用的粟米粉，，結果粟米粉的較軟身，較容易捲，但冷了一夜分別出來了，木薯粉的切時略有散裂現像，但粟米粉的就仍非常完整。

粘米粉(1 杯)、澄麵(1.5 湯匙)、粟米粉(2 湯匙)  、鹽(1/4 茶匙)、暖水(1.5 杯)、油(1 湯匙) 全部混和開成無粒粉漿，再加大滾水(1 杯), 攪混

蝦米蓉隨量、葱花隨量 (如葱粗大，先劏開葱段成幼絲，再切至不成圓圈碎小粒)

醬料：海鮮甜醬、花生醬或麻醬 (兩者都要用暖水和麻油開稀一點)

    炒香芝麻、麻油、豉油

用大號康寧瓷兜兩個(或方型玻璃兜更好)，每次放約0.9 湯壳粉漿至薄薄一層鋪滿瓷兜低部(好薄就得，落粉後鋪唔滿用手盪一盪個兜就得！)，平均洒上蝦米蓉和葱花，大火蒸約2分鐘至粉皮實淨，為爭取時間，在第一塊快蒸好時，用另一個瓷兜同樣地準備另一塊，取出剛蒸好的一塊後馬上放另一塊去蒸，蒸好的一塊驟涼後，用蛋糕橡皮刮刀四邊輕輕剷離，一路剷一路捲成一條腸粉，放起，用油掃將腸粉掃上少許油以防黏住和保濕，馬上用吉出的兜放上漿和料，另一塊又剛蒸好，如事者交替做，剛好做到約12條 (每次取粉漿時先攪一攪以防沉澱)

今晚吃清蒸鯛魚腩 (King Snapper Belly)

牛肉炒黄牙白

前晚的豬扒碟頭飯

女兒想吃muffin , 今晚做了桂圓肉杞子muffin, 中西合璧

前兩晚做的古朱力合桃 muffin , 點知Ｄ合桃食落有"益" !  激C !