我習慣豬、牛、雞和兩三款蔬菜都常有儲備在雪櫃，只會要吃魚時專程去魚店買，所以大多數放工回家雪櫃有乜就食乜，一於要快：
昨晚簡單晚餐：
西蘭花紅椒炒煆球
檸檬威士忌果皮原豉醬蒸三文魚頭魚腩 (這個值得推介，非常味美，完全唔腥!)
材料：三文魚頭兩個斬件，連四舊魚鰭腩，半個檸檬，兩塊果皮浸軟刮去白色囊切絲，三湯匙威士忌或花彫酒，三湯匙原豉醬(李Ｘ記), 胡椒粉適量，兩湯匙橄欖油，水滾後大火蒸10-12分鐘至熟透，加點豉油即成，食時將底部汁料淋上！
是晚快餐：
蠔油栗子白果炆雞翼
鹽水油菜
好友又送上愛心自家去皮栗子和白果，本想存冰櫃慢慢食，但今晚已急不及待用來炆了，栗子超快腍，而白果呢，簡直無得彈，大陸來的去皮貨無得揮！沒話說，感激朋友的心意、工夫、時間和耐性！
馬蹄蘭愈來愈多了! 每盆都好多朶呀！
沒有留言:
發佈留言